Балгарыя гатовая дапамагчы Украіне ў рэформах і еўраінтэграцыі
- 7.07.2015, 20:46
- 3,839
Балгарыя ўпэўненая ў велізарным патэнцыяле Украіны і гатовая дапамагаць з рэформамі і еўраінтэграцыяй.
Пра гэта заявіў прэзідэнт Балгарыі Росэн Плеўняліеў падчас сустрэчы са старшынём Вярхоўнай Рады Уладзімірам Гройсманам сёння ў Кіеве, паведамляе УНІАН.
Прэзідэнт Балгарыі заявіў, што для яго асабіста гэты візіт у Кіеў мае асаблівае значэнне. "Украіна для мяне - фактычна справа жыцця", - сказаў ён, падзякаваўшы ўкраінскаму народу за "сардэчнае, цёплае стаўленне" да ягонай краіне.
"Мы ўпэўненыя ў велізарным патэнцыяле Украіны і хочам быць часткай яе поспеху", - сказаў балгарскі прэзідэнт.
Росэн Плеўняліеў заявіў пра гатоўнасць Балгарыі ўсяляк Украіне дапамагаць на шляху правядзення рэформаў і еўраінтэграцыі, падзяліцца адпаведным досведам.
"Мы хочам, каб Украіна была чальцом годнай сям'і еўрапейскіх народаў", - заявіў ён. У гэтым кантэксце прэзідэнт Балгарыі заявіў, што ягоная краіна падтрымлівае патрэбу ўвядзення бязвізавага рэжыму для ўкраінскіх грамадзян з краінамі Еўразвязу.
У сваю чаргу, Уладзімір Гройсман падзякаваў Росэну Плеўняліеву за паслядоўную падтрымку Балгарыяй пазіцыі Украіны на міжнароднай арэне і выказаўся за далейшую каардынацыю намаганняў дзеля стабільнасці на еўрапейскім кантыненце. "Ёсць моманты ў жыцці кожнай дзяржавы, калі падтрымка сяброў вельмі важная, і цяпер менавіта такі момант", - сказаў ён. Старшыня Вярхоўнай Рады таксама падзякаваў за тое, што парламент Балгарыі адным з першых ратыфікаваў Пагадненне аб асацыяцыі Украіна-ЕЗ.
Таксама падчас сустрэчы стораны адзначылі важнасць актывізацыі дзвюхстаронняга супрацоўніцтва ў эканамічнай, гуманітарнай, адукацыйнай і культурнай сферах, адзначылі ў прэс-службе.