Беларусы ў чэрвені купілі рэкордную суму гатовай валюты

Пяты месяц беларусы застаюцца чыстымі прадаўцамі гатовай валюты, падтрымліваючы стабільна высокімі аб'ёмы здачы.

Паводле звестак Нацбанка, у чэрвені беларусы прадалі валюты на 106,9 млн даляраў больш, чым купілі. У параўнанні з траўнем аб'ём чыстага продажу скараціўся амаль удвая. У разгар сезону адпачынкаў беларусы прыкметна павялічылі куплю валюты, але і аб'ёмы продажу выраслі. Паводле ацэнак экспэртаў, аб'ёмы продажу застаюцца высокімі праз зніжэнне рублёвых прыбыткаў і патрэбу выдаткоўваць валютныя ашчаджанні для спажывання, піша tut.by.

Паводле звестак Нацбанка, у чэрвені грамадзяне павялічылі куплю наяўнай валюты на 29,3% у параўнанні з траўнем да 508,3 млн даляраў. Гэта максімальны аб'ём сёлета. Продаж валюты вырас на 2,4% да 615,2 млн даляраў.

З улікам безгатоўкавага продажу валюты насельніцтва таксама застаецца чыстым прадаўцом. У студзені-чэрвені грамадзяне прадалі 3,657 млрд даляраў, купілі - 2,968 млрд.

Сальда куплі-продажу валюты беларускімі суб'ектамі гаспадарання за шэсць месяцаў было таксама адмоўным. Рэзідэнты купілі 9,016 млрд даляраў, прадалі - 9,078 млрд.