Туніс пабудуе на мяжы з Лівіяй мур даўжынёй 160 кіламетраў

У Тунісе прыступілі да будаўніцтва муру, які павінен перашкодзіць пранікненню баевікоў «Ісламскай дзяржавы» на тэрыторыю краіны.

Мур будзе знаходзіцца на мяжы з Лівіяй. Пра гэта заявіў прэм'ер-міністр Туніса Хабіба Эсід (Habib Essid), паведамляе Lenta.ru са спасылкай на Bloomberg.

Са слоў кіраўніка ўрада, даўжыня мура будзе больш за 160 кіламетраў, збудаванне будзе гатовае да канца 2015 года. Эсід таксама адзначыў, што ахоўваць мяжу «будзе вельмі складана».

26 чэрвеня на пляжы ля пяцізоркавага гатэля Imperial у ваколіцах туніскага курортнага горада Сус быў учынены тэракт. Студэнт Сейфудзін Рэзгі, што прайшоў навучанне ў лівійскім лагеры баевікоў, адкрыў агонь па турыстам. Ахвярамі тэракту сталі, паводле розных звестках, ад 38 да 40 чалавек, сярод іх брытанцы, бельгійцы, немцы і расейка. Яшчэ блізу 40 чалавек атрымалі раненні. Нападнік быў знішчаны на месцы супрацоўнікамі праваахоўных органаў.

Адказнасць за тое, што адбылося ўзяла на сябе тэрарыстычная арганізацыя «Ісламская дзяржава».

Раней, 18 сакавіка ў Тунісе пераапранутыя ў ваенную форму тэрарысты адкрылі бязладны агонь ля будынка парламента краіны і захапілі закладнікаў у музеі Брага. У выніку нападу загінуў 21 чалавек. Большасць ахвяр - замежныя турысты. Падчас аперацыі супрацоўнікаў праваахоўных органаў двое баевікоў былі ліквідаваныя. Пасля было ўстаноўлена, што яны таксама праходзілі навучанне ў лівійскіх лагерах тэрарыстаў. Адказнасць за напад ўзяла на сябе «Ісламская дзяржава».