Будынак былога завода ЗІЛ у Маскве абрынуўся праз пажар

У Маскве адбыўся пажар на тэрыторыі былога завода ЗІЛ. За кароткі час плошча пажару сур'ёзна павялічылася.

"Плошча пажару на праспекце Андропава, дом 18, корп. 2 павялічылася з 1,5 да 2 тыс. кв. метраў", - распавялі "Інтэрфаксу" ў прэс-службе ГУ МНС Расеі Масквы.

"Да тушэння пажару прыцягнутыя тры верталёты, задзейнічана больш за 30 пажарных разлікаў", - распавялі ТАСС у МНС. Пажарныя разлікі на зямлі таксама вядуць барацьбу з агнём па перыметры будынка. Пажару прысвоеная трэцяя катэгорыя складанасці.

Паводле звестак крыніцы ў праваахоўных органах, у выніку ўзгарання адбыўся частковы абвал перакрыццяў і апорных канструкцый, адна са сцен звалілася на прыпаркаваныя побач аўтамабілі, пацярпелых няма.

З будынка было выведзена амаль 50 чалавек.