У Расеі патануў верталёт Мі-8

Верталёт пацярпеў катастрофу ў трох кіламетрах ад пункта прызначэння і затануў у Ахоцкім моры.

У Хабараўскім краі РФ пацярпеў катастрофу верталёт Мі-8 авіякампаніі Восток, які рухаўся ад пасадачнай пляцоўкі ў пасёлку імя Паліны Асіпенка на Шантарскія выспы ў раён бухты Ангачан. У выніку катастрофы, паводле папярэдніх звестак, загінулі шэсць чалавек. На борце знаходзіліся тры чальцы экіпажа і 13 пасажыраў, паведамляе ТАСС са спасылкай на крыніцу ў Расавіяцыі.

У бухту Ангачан паветранае судна павінна было прыбыць у 10:20, аднак у прызначаны час экіпаж на сувязь не выйшаў. Пасля гэтага на пошук былі паднятыя два верталёты Мі-8 і самалёт Ан-26.

"Затым на сувязь выйшаў камандзір экіпажа і паведаміў, што верталёт пацярпеў катастрофу ў трох кіламетрах ад пункта прызначэння і затануў", - сказаў прадстаўнік Расавіяцыі.

Адзначаецца, што пошукава-выратавальныя службы пакуль не могуць прыбыць да месца катастрофы праз моцнага туману. Цяпер ажыццяўляецца ўзаемадзеянне са службамі выратавання на моры, каб падключыць да выратавальнай аперацыі марскія судны.

Паводле інфармацыі крыніцы ў праваахоўных органах рэгіёну, рэйс выконвала авіякампанія Восход паводле замовы прыватнай асобы.

Як паведамляе РІА "Новости" са спасылкай на Далёкаўсходні рэгіянальны цэнтр МНС РФ, дзесяць чалавек, якія знаходзіліся на борце верталёта Мі-8, які ўпаў у Хабараўскім краі выратаваныя, пошукі яшчэ шасці працягваюцца.