Уладзіміра Беражкова пакінулі ў турме
7- 17.08.2015, 9:51
- 16,068
У дачыненні да вядомага журналіста абраная мера стрымання.
Былога выканаўцу абавязкаў генеральнага дырэктара хакейнага клуба «Дынама-Менск» Уладзіміра Беражкова ўзялі пад варту, паведамілі БелаПАН у Следчым камітэце Беларусі.
Пра тое, што СК распачатая справа паводле ч. 3 арт. 210 КК у дачыненні да Беражкова, Следчы камітэт паведаміў 14 жніўня. Беражкоў падазраецца ў крадзяжы грашовых сродкаў клуба (не менш за 45 млн рублёў) пры дапамозе злоўжывання службовымі паўнамоцтвамі.
Крымінальную справу расследуе галоўнае следчае ўпраўленне СК.
Нагадаем, раней крымінальная справа была распачатая ў дачыненні да генеральнага дырэктара «Дынама» Максіма Суботкіна праз падазрэнні ў нанясенні шкоды ў асабліва значнай суме. Менавіта пасля гэтага Беражкоў быў прызначаны в.а. генеральнага дырэктара, а таксама прадаўжаў выконваць функцыі генеральнага мэнэджара клуба.
Уладзімір Беражкоў - легенда беларускай спартыўнай журналістыкі, адзін з заснавальнікаў газеты «Прессбол», якую ён узначальваў цягам 19 гадоў.