Знішчальнікі NATO перахапілі над Балтыкай расейскі вайсковы самалёт
- 17.08.2015, 12:06
- 21,432
Знішчальнікі, якія ўдзельнічаюць у місіі паветранай паліцыі NATO, перахапілі паблізу Латвіі расейскі вайсковы самалёт.
Пра гэта паведамляюць Нацыянальныя ўзброеныя сілы Латвіі ў сваім "Твітэры".
"Знішчальнікі паветранай паліцыі 17 жніўня перахапілі над Балтыйскім морам паблізу межаў Латвіі самалёт узброеных сіл РФ Іл-20", - гаворыцца ў паведамленні.
Пры гэтым паветраная прастора ніводнай з краін Балтыі парушаная не была.
Нагадаем, раней паведамлялася, што ў NATO налічылі 250 перахопаў расейскіх вайсковых самалётаў за апошнія паўгода, піша "Еўрапейская праўда".
Air Policing jets on 17 AUG in international airspace above the Baltic Sea near LV border identified RU AF 1X Il-20.
— NBS (@Latvijas_armija) 17 августа 2015
Пры гэтым паветраную і марскую прастору дзяржаў яны не парушаюць, аднак у выпадку самалётаў гаворка ідзе пра пагрозу для грамадзянскай авіяцыі.
У краінах Балтыі і Вялікабрытаніі неаднаразова заяўлялі, што палётамі сваіх самалётаў у іх межаў Расея дэманструе сілу і тэстуе рэакцыю NATO.