Пад Горадняй загарэлася поле - дым бачыў увесь горад

17 жніўня а 16 гадзіне пад Горадняй загарэлася іржышча.

Як піша газета «Вечерний Гродно», здарэнне адбылося каля Румлёўскага лесапарку.

Паведамляецца, што агонь рухаўся на Солы і лесапарк Румлёва. Змагацца з пажарам прыбыло дзве машыны выратавальнікаў і ляснікі. Яны аператыўна ліквідавалі агонь.

Пакуль невядома, адбылося ўзгаранне або хто знарок падпаліў поле. Абставіны гэтага здарэння высвятляюцца.