Эстонія адмяжуецца ад Расеі двухметровай агароджай

Дэпартамент паліцыі і памежнай аховы Эстоніі збіраецца пабудаваць сцяну на мяжы з Расеяй.

Пра гэта паведамляе газета Postimees.

Плануецца, што агароджа вышынёй 2,5 метра перакрые прынамсі дзве траціны сухапутнай часткі мяжы з РФ.

Верхняя частка агароджы будзе ўзмоцненая калючым дротам. Агульная даўжыня агароджы складзе блізу 108 кіламетраў.

У дадатак да агароджы мяркуецца ўсталяваць і агароджу, якая перашкаджае перамяшчэнню дзікіх жывёл. На забалочаных участках лініі мяжы агароджы не будзе, там усталююць толькі памежныя слупы і пракладуць кантрольную паласу.

Для аховы мяжы будуць выкарыстаныя таксама відэакамеры і беспілотныя лятальныя апараты, а ў акваторыі Чудскага возера размешчаны больш за 600 памежных буйкоў. Працы ў тэхнічным узмацненні мяжы пачнуцца ў 2018 годзе, іх агульны кошт складзе 71 мільёнаў еўраў.