Малы драбок справядлівасці для Барыса Нямцова

Крамлёўскія прапагандысты аддаюць перавагу распусканню грошай на адпачынку ў краінах, пагарджаць якімі заклікаюць расейцаў.

"Стрэлы, што абарвалі жыццё Нямцова, не былі громам сярод яснага неба. Іх зрабіла магчымымі - нават справакавала - атмасфера нянавісці, гвалту і запалохвання, створаная для тых, хто супрацьстаіць рэпрэсіўнай палітыцы Уладзіміра Пуціна, ягонай карупцыі і ягонай вайне на Украіне", - піша у The Washington Post Уладзімір Кара-Мурза, намеснік старшыні "Партыі народнай свабоды", дэмакратычнай апазіцыйнай партыі ў Расеі, сузаснавальнікам якой быў Барыс Нямцоў, паведамляе InoPressa.

"Нямцоў прайшоў праз гэта першы, - піша Кара-Мурза. - На дзяржаўнай тэлевізіі яго ганілі як" здрадніка" з "пятай калоны" і "ворага Расеі". Гэта была не журналістыка. Гэта было аплачанае дзяржавай падбухторванне да расправы".

"Крамлёўскія прапагандысты аддаюць перавагу распусканню грошай на адпачынку ў тых самых краінах, пагарджаць якімі заклікаюць расейцаў. Гэтаму фарысейству трэба пакласці канец", - мяркуе аўтар.

"У гэтым годзе мы з былым расейскім прэм'ер-міністрам Міхаілам Касьянавым сустрэліся з лідэрамі Кангрэсу [ЗША], - паведамляе Кара-Мурза. - Мы папрасілі іх уключыць у санкцыйных спіс імёны васьмі супрацоўнікаў дзяржаўнай тэлевізіі, адказных за падбухторванне да расправы над Нямцовым. Яны абяцалі абмеркаваць гэтую праблему з адміністрацыяй Абамы".

"Калі пуцінскія прапагандысты страцяць магчымасць ездзіць у ЗША, і нават калі такі крок зробіць ЕЗ, гэта не зможа замяніць той адплаты, якую гэтыя людзі павінны атрымаць у Расеі. Аднак гэта адчувальная мера. І гэта найменшае, што вольны свет можа зрабіць, каб ушанаваць памяць Барыса Нямцова", - мяркуе ягоны паплечнік.