«Народны фронт» Яцэнюка адмовіўся ад удзелу ў мясцовых выбарах

Партыя «Народны фронт» не будзе браць удзел у мясцовых выбарах 25 кастрычніка 2015 ва Украіне.

0Пра гэта заявіў прэм'ер-міністр і лідар палітсілы Арсенійф Яцэнюк, піша «Укрінформ».

«Партыя Народны фронт не вылучае сваіх кандыдатаў на мясцовых выбарах», - сказаў ён.

Раней паведамлялася, што аб'яднанне партый БПП «Салідарнасць» і «Народны фронт» да мясцовых выбараў немагчымае з прычыны адсутнасці часу, патрэбнага на выкананне адпаведных працэдур.

Як паведаміў народны дэпутат ад фракцыі БПП Дзмітрый Андрыеўскі, пытанне аб супольным удзеле ў мясцовых выбарах аб'яднанай партыі БПП і «УДАР» з «Народным фронтам» будзе разглядацца цягам найбліжэйшых 10-14 дзён.