Лукашэнка: Толькі гультай у Беларусі можа жыць кепска

Дыктатар мяркуе, што беларусы добра жывуць і добра зарабляюць.

Пра гэта кіраўнік заявіў сёння, размаўляючы з прадстаўнікамі працоўнага калектыву ААТ «Белавежскі» і жыхарамі вёскі Расна, паведамляе БелТА.

Дыктатар падкрэсліў, што «людзі, якія добра працуюць, павінны і добра зарабляць, добра жыць і быць прыкладам для іншых». «У Беларусі сёння толькі гультай можа жыць кепска», - упэўнены Аляксандр Лукашэнка.

Усё ў руках чалавека, і ён перш за ўсё сам павінен патурбавацца за сябе і за сваю сям'ю, а потым ужо патрабаваць ад дзяржавы, якая, адзначыў ён, «павінна займацца сваімі функцыямі, а кожны грамадзянін павінен рабіць тое, што ён павінен рабіць, кіраўнік - тое ж самае».