Жыхар Кобрына вылавіў гіганцкага сома
20- 3.08.2015, 9:06
- 28,511
41-кілаграмовую рыбу мужчына выцягнуў з дапамогай спінінга.
Рыбалка на Днепра-Бугскім канале прынесла Валянціну Драгуну небывалы ўлоў. Ён лавіў на спінінг з лодкі, у якасці прынады выкарыстаў воблер (пластыкавую рыбку-падманку). І ніяк не чакаў, што выцягне сома вагой 41 кілаграм і даўжынёй два метры, піша kp.by.
- За дзесяць гадоў, што я займаюся рыбалкай, самым буйным уловам быў 9-кілаграмовы шчупак. Я і не думаў, што мне ўдасца выцягнуць такога гіганта! - кажа горды сваёй здабычай рыбак.
Цягнуць з вады рыбу, якая важыць, як дарослы баран, было няпроста. Рыбак мяркуе, што сом не сарваўся толькі дзякуючы моцнай вершы.
- Каб падняць такога цяжкавагавіка, патрэбен вельмі моцны кручок, - дзеліцца сакрэтам Валянцін Драгун.