Грэцкі фондавы рынак абрынуўся на пачатку таргоў
- 3.08.2015, 11:46
- 30,758
Грэцкі фондавы рынак аднавіў у панядзелак працу пасля пяці тыдняў перапынку рэзкім падзеннем.
Фондавы індэкс ASE абрынуўся на пачатку таргоў на рэкордныя 23%. Каціроўкі акцый банкаў Piraeus Bank і National Bank of Greece ўпалі на пачатку таргоў на 30%, паведамляе руская служба BBC.
Пакуль біржа будзе працаваць у адмысловым рэжыме - для замежных інвестараў не будзе абмежаванняў у выдаткоўванні сродкаў, а мясцовым гульцам трэба будзе аплачваць угоды наяўнымі або за кошт пераводаў сваіх грошай з замежных банкаў.
Экспэрты чакалі падзення рынку прыкладна на 20% пасля адкрыцця. Як казаў напярэдадні адкрыцця галоўны трэйдар грэцкай Beta Securities Такіс Заманіс, больш за ўсё пры ім пацерпяць акцыі банкаў. «Шанцы таго, што ў панядзелак хоць бы адна папера пакажа рост, нулявыя», - сказаў Заманіс.
20 ліпеня пасля трохтыднёвага перапынку ў Грэцыі пачалі працу банкі. Таксама ў канцы месяца краіна пачала выплату сваёй запазычанасці МВФ.