Дэвід Кэмеран: Вялікабрытанія не дапусціць пранікнення мігрантаў праз «Еўратунэль»

Урад Вялікабрытаніі працуе над тым, каб не дапусціць пранікнення мігрантаў з французскага Кале праз тунэль пад Ла-Маншам.

Аб гэтым 7 жніўня заявіў прэм'ер-міністр Злучанага Каралеўства Дэвід Кэмеран, паведамляе ТАСС.

«Мы зрабілі многае за апошнія дні, каб палепшыць сітуацыю, аднак нам трэба будзе зрабіць яшчэ больш. Намі былі ўсталяваныя дадатковыя агароджы, выдзелена больш паліцыянтаў, службовых сабак, супрацоўнікаў аховы для большай бяспекі», - сказаў ён.

Кэмеран падкрэсліў, што брытанскі ўрад супрацоўнічае з кампаніяй «Еўратунэль», каб не дапусціць пранікнення мігрантаў унутр транспартнага інфраструктурнага аб'екта, што пралягае пад Ла-Маншам. «Наперадзе сур'ёзная праца ў паляпшэнні сітуацыі з бяспекай у тунэлі», - дадаў ён, падкрэсліўшы, што «паляпшэнняў варта чакаць найбліжэйшымі тыднямі і днямі».

Развязанне праблемы нелегальнай міграцыі з'яўляецца «абсалютным прыярытэтам» для Францыі і Вялікабрытаніі. На гэта ўказалі міністры ўнутраных спраў дзвюх краін Бернар Казнёў і Тэрэза Мэй у сумеснай заяве.