На гэтым тыдні ў Беларусь прыйдзе восеньская прахалода
- 1.09.2015, 11:20
- 49,164
Праўда, да чацвярга ў некаторых раёнах краіны будзе да +36.
Халодны атмасферны фронт, які прынясе доўгачаканую для многіх восеньскую прахалоду і свежасць, прыйдзе ў Беларусь у чацвер, піша kp.by.
Паводле прагнозу Белгідрамета, 3 верасня ў краіне пройдуць дажджы, навальніцы. Начныя тэмпературы ўпадуць да 11 - 17 градусаў, днём чакаюцца камфортныя 18 - 24. Толькі на паўднёвым усходзе краіны будзе цяплей - 25-29 градусаў вышэй за нуль.
У наступныя дні да канца тыдня таксама прагназуюцца дажджы. Днём будзе блізу 17 - 24, у Гомельскай вобласці - да +26. Да нядзелі тэмпературы спадуць да 6 - 13 градусаў ноччу і 16 - 23 днём.
Аднак першыя дні верасня будуць па-ранейшаму гарачымі. Аўторак і серада запомняцца жыхарам паўднёвых абласцей краіны гарачымі 35 - 36.