Берасцейскія мытнікі сканфіскавалі 144 крышталёвыя келіхі
6- 1.09.2015, 19:13
- 19,694
Агульная вартасць незаяўленага тавару (144 куфлі) склала блізу 250 млн.
Пра гэта charter97.org паведамілі ў прэс-службе Берасцейскай мытні.
У пункце «Казловічы» супрацоўнікі мытні зрабілі надгляд грузавога аўтамабіля маркі «DAF», які рухаўся ў Расейскую Федэрацыю са зборным грузам: сілавымі ўстаноўкамі, электралічыльнікамі, адзеннем і касметыкай.
«Падчас правядзення аперацый мытнага кантролю службовыя асобы выявілі ў грузавым засеку паўпрычэпа 24 наборы куфляў, звесткі аб якіх былі адсутныя ў транспартных дакументах і не былі ўключаныя ў агульную вартасць тавару.
Крышталёвыя наборы складаліся з шасці каляровых келіхаў для шампанскага і віна. Паводле папярэдняй ацэнкі кошт аднаго камплекта тавару склаў звыш 10 млн рублёў, а агульны кошт незаяўленага грузу (144 куфлі) склаў блізу 250 млн рублёў», - гаворыцца ў паведамленні.
Тавар сканфіскаваны мытняй да выраку суда.