ЕЗ на паўгода падоўжыў санкцыі ў дачыненні да чыноўнікаў РФ
- 2.09.2015, 16:04
- 5,704
Cанкцыі супраць 150 фізічных асоб і 37 кампаній РФ, а таксама самаабвешчаных «народных рэспублік» прадоўжаныя на шэсць месяцаў.
Пра гэта на сваёй старонцы ў сетцы мікраблогаў «Твітэр» напісаў брусэльскі карэспандэнт «Радыё Свабода» Рыкарда Ёзвяк.
«Амбасадары краін ЕЗ сёння пагадзіліся падоўжыць санкцыі ў дачыненні да 150 чалавек і 37 кампаній з Расеі, Крыма і Украіны да 15 сакавіка, - напісаў ён. - Афіцыйная пастанова будзе прынятая 14 верасня».
EU amb today agreed 2 extend sanctions on 150 individuals & 37 entities from #Russia, #Crimea & E. #Ukraine to 15 March. official dec 14 sep
— Rikard Jozwiak (@RikardJozwiak) 2 сентября 2015Учора стала вядома, што ЕЗ плануе прадоўжыць санкцыі супраць Расеі толькі на паўгода.
Нагадаем, у верасні мінае тэрмін дзеяння санкцый (забарона на ўезд і арышт рахункаў у выпадку іх выяўлення) у дачыненні да шэрагу дэпутатаў Дзярждумы. Сярод тых, хто падпаў пад персанальныя санкцыі ЕЗ у верасні мінулага года - расейскі генерал-маёр Аляксей Наумец, які мае дачыненне да захопу Крыма.
Гэты пакет санкцый быў укаранёны таксама супраць прадстаўніка акупаванага Крыму пры прэзідэнце РФ Георгія Мурадава, а таксама верхавода «ДНР» Аляксандра Захарчанкі.
