Запазычанасць прадпрыемстваў Беларусі ў крэдытах і пазыках вырасла ўдвая

Пратэрмінаваная запазычанасць у крэдытах і пазыках арганізацый Беларусі на 1 жніўня склала 11 трлн 274,1 млрд рублёў.

Што да 1 жніўня мінулага года гэты паказчык павялічыўся ў 2,2 разы, у тым ліку за ліпень - на 2,5%, паведамляе БелаПАН са спасылкай на Белстат.

Агулам запазычанасць у крэдытах і пазыках на 1 жніўня склала 476 трлн 216,9 млрд рублёў, што на 40,9% больш, чым год таму, і на 25,8% - у параўнанні з пачаткам года. За ліпень яна вырасла на 1,5%.

Пратэрмінаваная крэдыторская запазычанасць за год павялічылася на 52,3% і склала 50 трлн 276 млрд рублёў, за ліпень - на 1,6%.

Вонкавая пратэрмінаваная крэдыторская запазычанасць вырасла за год на 57,3% і на 1 жніўня дасягнула 10 трлн 356,9 млрд рублёў. За ліпень 2015 года гэты паказчык павялічыўся на 0,2%.

Пратэрмінаваная дэбіторская запазычанасць вырасла за год на 52,6% і склала 53 трлн 59,1 млрд рублёў, за ліпень гэты паказчык знізіўся на 0,03%.

Вонкавая пратэрмінаваная дэбіторская запазычанасць павялічылася за год на 72,5% і склала 9 трлн 897,8 млрд рублёў. За ліпень яна знізілася на 3,8%.