За пратэст супраць расейскай базы ў Баранавічах затрыманыя 30 фанатаў?

Паведамленні аб пратэсце супраць авіябазы РФ з'явіліся ў інтэрнэце.

«У Баранавічах на пікет супраць авіябазы прыйшлі 30 фанатаў, іх спакавалі ў аўтазак. Просьба далучыцца праваабаронцаў і неабыякавых грамадзян Баранавічаў. Не пакінем хлопцаў адных», - гаворыцца ў паведамленні.

Падрабязнай інфармацыі пра акцыю пакуль няма.

Нагадаем, што расейская вайсковая авіябаза з'явіцца ў Бабруйску ўжо ў студзені 2016 года. На ёй будуць размяшчацца знішчальнікі Су-27, здольныя несці ядзерныя боепрыпасы.

Апазіцыйныя лідары Беларусі заклікалі грамадзян выйсці 4 кастрычніка да 17 гадзінаў на плошчу Свабоды ў Менску на мітынг супраць пагаднення аб стварэнні расейскай вайсковай базы.