Кіраўнік Цэнтрабанка Польшчы: Залаты цягнік нацыстаў - гэта фэйк
6- 3.09.2015, 10:29
- 35,183
Кіраўнік Нацыянальнага банка Польшчы Марэк Белька ўважае гісторыю з «залатым цягніком нацыстаў» за фэйк.
Пра гэта ён заявіў на прэс-канферэнцыі, паведамляе «Еўрапейская праўда» са спасылкай на TVN 24 bis.
«У нас ніхто пра гэты «залаты цягнік» нават на секунду не задумваецца. Бо гэта нейкі фэйк, - сказаў Бэлька.
«Звычайна мы абмяркоўваем больш вострыя тэмы, чым пагалоскі пра цягнік», - заявіў прысутны на канферэнцыі сябра Рады фінансавай палітыкі Адам Гляпінскі.
Як паведамлялася, намеснік міністра культуры Пётр Жухоўскі 28 жніўня пацвердзіў, што паказанні радара сапраўды паказваюць наяўнасць пад зямлёй у раёне горада Вальбжых бронецягніка. Ён заявіў, што цягнік існуе з імавернасцю «99%».
Гэтаму папярэднічаў ліст у адрас мясцовай улады Вальбжыха ад двух мужчын, якія заявілі аб тым, што ведаюць, дзе схаваны браніраваны цягнік, які знік у канцы 1944 года і меркавана перавозіў золата, каштоўнасці і творы мастацтва.
У Польшчы з гэтай нагоды пачалася сапраўдная «залатая ліхаманка», хоць сумневы ў існаванні цягніка выказваліся неаднаразова.