Менскі гурт здымае кліп аб сацыяльным апакаліпсісе

Удзельнікі адбору на «Еўравізію», на некаторы час зніклыя з поля зроку, нядаўна вярнуліся з новай песняй і запрасілі ахвочых паўдзельнічаць у здымках кліпа.

Ад добраахвотнікаў не было адбою, і неўзабаве відэа на кампазіцыю Do not be like a zombie было гатовае. «Мерцвякі» зладзілі прэзентацыю ў зомбі-бары і распавялі пра вострасацыяльную лірыку ў Do not be like a zombie, піша onliner.by.

Відэа прысвечана праблемам грамадства спажывання. «Існуе так шмат спосабаў высушыць твае мазгі!» - абвяшчае надпіс на пачатку кліпа.

- Кліп прысвечаны сацыяльнаму апакаліпсісу, які ўжо наступіў, - распавядаюць удзельнікі групы. - Людзі больш падобныя на зомбі, чым на паўнавартасных людзей. Рэальнае жыццё замяняюць штучным, раствараючы мазгі ў алкаголі, наркотыках, «зомба-скрыня» і шматлікіх гаджэтах. Жывыя стасункі з сапраўднымі сябрамі замяняюцца сотнямі «лайкаў» ад незнаёмых «сяброў» у сацсетках. Рамантычная, дзіўная прырода патрэбная многім толькі для чарговага «сэлфі». Заняткі спортам многія замяняюць на шматгадзінную гульню ў футбол на планшэце. Мастацтва, кнігі замененыя на больш простыя яркія карцінкі, падобныя «інстаграму». Тэлевізар кожны дзень пажырае мільёны душ, цалкам кіруючы сваімі рабамі: рэклама кажа, што піць і есці, героі фільмаў, серыялаў і навінаў: пра каго і пра што думаць, што рабіць. Усё добра ў меру! І кожны сам павінен вызначыцца: жыць як чалавек ці як «зомбі». Мы пераканаўча просім усіх людзей на зямлі і пад зямлёй: «Хай зомбі застаюцца зомбі, а людзі - людзьмі!»