У Таджыкістане адбыўся яшчэ адзін напад на супрацоўнікаў міліцыі
- 5.09.2015, 20:27
- 4,981
Увечары 5 верасня на ўездзе ў Душанбэ невядомыя са зброяй атакавалі пост ДАІ.
Увечары 5 верасня на ўездзе ў Душанбэ невядомыя са зброяй атакавалі пост ДАІ.
Пра гэта паведамляе «Радио Озоди» са спасылкай на неназваную крыніцу.
Пост, на які адбыўся напад, размешчаны на ўездзе ў сталіцу Таджыкістана з боку горада Вахдат, дзе напярэдадні расстралялі міліцыянтаў.
Забіты адзін супрацоўнік МУС, некалькі параненыя, паведамляе ТАСС са спасылкай на МУС Таджыкістана.
Тыя, хто нападаў з'ехалі на машыне ў Вахдат. Іх пераследуюць сілавікі.
Напярэдадні раніцай у Душанбэ і Вахдат (20 км на ўсход ад Душанбэ) адбыліся, паводле апошніх звестак, тры ўзброеныя напады на супрацоўнікаў праваахоўных органаў Таджыкістана. Загінулі, паводле розных звестак, восем або дзевяць міліцыянтаў. Трыццаць два чалавекі з ліку тых, хто нападаў затрыманыя, 13 забітыя. Канфіскавана больш за 500 адзінак зброі і боепрыпасаў.
Паводле звестак МУС Таджыкістана, нападамі кіраваў намеснік міністра абароны Абдухалім Назарзода, напярэдадні зняты з пасады. Ён і астатнія выжылыя чальцы групы схаваліся ў раёне Раміцкай цясніны недалёка ад Вахдат. Яны аточаныя.
Меры бяспекі ў Таджыкістане былі ўзмоцненыя.
Назарзода - сябр забароненай уладамі Таджыкістана Партыі ісламскага адраджэння. Падчас грамадзянскай вайны ў 1990-я гады ён быў камандзірам ў сілах Аб'яднанай таджыкскай апазіцыі (прыхільнікі ісламізацыі, якім супрацьстаяў «Народны фронт», які падтрымліваецца будучым прэзідэнтам Эмамалі Рахмонам).