Расея будзе выпускаць грузы з Украіны ў Казахстан праз Беларусь

У РФ пастанавілі, што грузавыя фуры і цягнікі ў Казахстан будуць пускаць толькі з тэрыторыі Беларусі.

Украінскія фуры змогуць праехаць у Казахстан толькі праз Беларусь. Расея забараніла праезд міжнародных транзітных грузаў наўпрост з Украіны ў Казахстан. Пра гэта гаворыцца ў пастанове, апублікаваным на сайце прававой інфармацыі, піша ЛІГА.net.

Згодна з пастановай міжнародныя транзітныя аўтамабільныя і чыгуначныя перавозкі з Украіны на тэрыторыю Казахстана будуць ажыццяўляцца толькі з тэрыторыі Беларусі. Пры гэтым устанаўляецца ўмова дастасавання да фургонаў або цягнікоў метадаў ідэнтыфікацыі, сярод іх такіх, якія функцыянуюць на грунце тэхналогіі ГЛОНАСС, а таксама наяўнасці ў кіроўцаў уліковых талонаў.

Шофераў абавязваюць пры ўездзе ў Расею з Беларусі атрымліваць рэгістрацыйныя талоны і здаваць іх пры выездзе.

Пастанова падпісаная ў сувязі з прыпыненнем зоны вольнага гандлю паміж Украінай і РФ. Яна набывае правадзейнасць 1 студзеня 2016 года.