Кошт нафты падае далей

Сусветны кошт нафты па-ранейшаму зніжаецца на фоне асцярогі павелічэння глабальнага лішку на рынку.

Пра гэта паведамляе «Прайм» са спасылкай на звесткі таргоў.

На 19:43 кошт красавіцкіх ф'ючэрсаў на паўночнаморскую нафтавую сумесь маркі Brent зніжаўся на 3,93% - да 31,55 даляра за барэль, кошт сакавіцкіх ф'ючэрсаў на нафту маркі WTI - на 5%, да 30,58 даляра за барэль.

Кошт нафты вырас у канцы мінулага тыдня на чаканні новых захадаў стымулявання ад цэнтральных банкаў Еўропы і Японіі і чаканняў, што мяцеліца ва ўсходняй частцы ЗША будзе стымуляваць попыт на паліва. Тым не менш, шмат хто з аналітыкаў папярэджваў, што ралі наўрад будзе трываць доўга, бо глабальная вытворчасць дагэтуль перасягае попыт.

Кітайскія звесткі, апублікаваныя ў панядзелак, паказалі, што выкарыстанне дызеля ўпала ў 2015 годзе ў параўнанні з папярэднім годам. Кітай з'яўляецца другім колькасцю спажыўцом нафты ў свеце, і запаволенне тэмпаў эканамічнага росту краіны цісне на кошт нафты ды іншыя фінансавыя рынкі за апошнія месяцы.

Акрамя гэтага, негатыўны ўплыў на вартасць зрабіла пастанова Савудаўскай Арабіі захаваць інвестыцыі ў энэргетычныя праекты. Са слоў кіраўніка нафтавай савудаўскай дзяржкампаніі Saudi Aramco Халіда аль-Фаліга (Khalid al-Falih), кампанія цяпер выдаткоўвае столькі ж, колькі раней, да падзення кошту нафты, сігналізуючы, што не будзе здавацца ў сваёй барацьбе з канкурэнтамі; кампанія вызначыла сваю стратэгію ў адказ на танную нафту.