Бамбавік РФ парушыў паветраную прастору Турцыі
51- 30.01.2016, 19:42
- 24,399
Амбасадару РФ у Турцыі ўручылі ноту пратэсту ў сувязі з парушэннем расейскім самалётам турэцкай паветранай прасторы.
Турцыя абвінаваціла Расею ў парушэнні паветранай прасторы. Пра гэта ў суботу, 30 студзеня, паведамляецца на сайце турэцкага Міністэрства замежных спраў, піша Deutsche Welle.
У паведамленні гаворыцца, што 29 студзеня а 11:46 паводле мясцовага часу расейскі знішчальнік-бамбавік Су-34 перасек паветраную прастору Турцыі. Да таго, як мяжа была парушаная, пілота неаднаразова папярэджвалі на расейскай і ангельскай мовах.
У сувязі з інцыдэнтам пасла РФ выклікалі ў турэцкі МЗС, дзе выказалі рашучы пратэст і асудзілі дзеянні ПКС.