У Японіі сшылі кімано з тканіны з пахам шакаладу
- 1.10.2016, 10:23
- 6,071
Працэс стварэння "шакаладнага" кімано заняў чатыры гады.
Дызайнер з японскага горада Кіёта сшыў кімано з матэрыі з пахам шакаладу. Як паведамляюць мясцовыя СМІ, Набуакі Таміта пакажа сваю працу ў гэтым месяцы ў Турыне з нагоды 150-годдзя ўсталявання дыпламатычных стасункаў паміж Японіяй і Італіяй, піша korrespondent.net.
Працэс стварэння "шакаладнага" кімано заняў 4 гады пасля таго, як першая спроба ў 2012 годзе зведала крах і дызайнер не змог замацаваць пах і колер матэрыі, каб яны не знікалі.
Разам з партнёрамі з Турына ён стаў выкарыстоўваць акрамя шакаладу какава-бабы з Італіі, зрабіўшы каля сотні спробаў дамагчыся жаданага выніку.
"Мы бачым, як усё менш прафесіяналаў у традыцыйных рамёствах і мастацтве становіцца з кожным годам. Я спадзяюся сваёй новай формай мастацтва захаваць традыцыі ў Кіёта", – адзначыў Таміта.
Раней гэты дызайнер праславіўся тым, што апранаў у кімано карову знакамітай пароды мацудзакі, ствараў з матэрыі для паясоў кімано чахлы планшэтніка iPad і выкладаў сваё мастацтва студэнтам ва ўніверсітэце Сангё японскага вострава Кюсю.