У Мюнхене затрымалі Шварцэнэгера за катанне на вакзале на веласіпедзе

У непрыемную гісторыю трапіла зорка Галівуду на цэнтральным вакзале Мюнхена.

Нямецкая паліцыя зрабіла амерыканскаму актору Арнольду Шварцэнэгеру вымову за язду на ровары на вакзале Мюнхена. Пра гэта ў суботу, 1 кастрычніка, паведамляе Bild (пераклад - lenta.ru).

Вартавыя парадку ўбачылі двух веласіпедыстаў, якія хутка ехалі па чыгуначнай станцыі. Адзін з дзяжурных пагнаўся за імі і, параўняўшыся з тым, які ішоў ззаду, пачаў тлумачыць яму небяспеку такіх паводзінаў. Мужчына адказаў, што з'яўляецца целаахоўнікам Шварцэнэгера. Вартавы парадку прыняў гэта за жарт, аднак потым убачыў, што другі парушальнік - сапраўды зорка «Тэрмінатара».

У адказ на тлумачэнні паліцыянтаў 69-гадовы Шварцэнэгер адказаў, што ў яго баляць ногі і хадзіць яму цяжка. У якасці кампенсацыі ён прапанаваў вартавым парадку зрабіць з ім сэлфі (фатаграфіі распаўсюдзіла прэс-служба мюнхенскай паліцыі). Пасля нядоўгіх размоў з імі актор сышоў з вакзала пешшу праз паўночны ўваход разам з роварам.

Арнольд Шварцэнэгер - амерыканскі актор, культурыст і палітык аўстрыйскага паходжання, 38-ы губернатар Каліфорніі. Здымаўся ў баевіках, у тым ліку камедыйных. Уладальнік як спартовых, так і кінематаграфічных прэмій, у тым ліку імянной зоркі на Алеі славы і сямі тытулаў «Містэр Алімпія».