Гарадзенскі бізнэсовец Алег Зухавіцкі выйшаў на волю

Уладальніка групы мэблевых кампаній «ЗОВ» арыштавалі ў лютым 2015 года.

Асноўны ўладальнік групы мэблевых кампаній «ЗОВ» Алег Зухавіцкі выйшаў на волю. Гэтую інфармацыю tut.by пацвердзілі родныя бізнэсоўцы.

Алега Зухавіцкі вызвалілі 18 кастрычніка, цяпер ён знаходзіцца ў Горадні. «Першае, што ён стаў рабіць, - тэлефанаваць сябрам і родным. Настроены па-баявому», - пракаментаваў бацька бізнэсоўца.

Асноўны ўладальнік групы мэблевых кампаній «ЗОВ» Алег Зухавіцкі аказаўся пад вартай у лютым 2015 года. У траўні ён выйшаў на волю і праз некалькі тыдняў пасля выхаду на волю бізнэсовец запусціў у Горадні новую фабрыку вытворчасці вырабаў з натуральнага дрэва. Ён таксама кампенсаваў шкоду на суму блізу 60 млрд рублёў. Але ў лістападзе 2015 года ізноў аказаўся ў няволі. КДБ падазраваў Зухавіцкага і яго кампаньёнаў у атрыманні ценявых даходаў з наступным вывадам сродкаў за межы краіны і нявыплатай падаткаў у асабліва буйнай суме. У жніўні 2016 года стала вядома, што матэрыялы аб справе Зухавіцкага накіраваныя ў пракуратуру для перадачы ў суд.