У панядзелак чакаецца да 23 градусаў цяпла

Месцамі прагназуюцца моцныя дажджы.

Моцныя дажджы месцамі чакаюцца на захадзе Беларусі раніцай і ўдзень 3 кастрычніка, паведамляе БелТА са спасылкай на Рэспубліканскі цэнтр гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Будзе воблачна з праясненнямі. Ноччу пераважна на заходняй палове, днём на большай частцы тэрыторыі краіны прагназуюцца кароткачасовыя дажджы.

Раніцай і ўдзень месцамі на захадзе – моцныя дажджы. У начныя і ранішнія гадзіны ў асобных раёнах слабы туман. Вецер паўднёвы з пераходам на паўночны, сярэдні. Тэмпература паветра ўначы складзе 8 – 14 градусаў цяпла, удзень – 13 – 19 са знакам плюс. На паўднёвым усходзе паветра прагрэецца да 23 градусаў.