Рассельгаснагляд: Адносіны з калегамі з Беларусі не з'яўляюцца давернымі
2- 20.10.2016, 10:08
- 4,562
Установа паставіла пад сумнеў працу ў адзінай электроннай сістэмы ўліку грузаў жывёльнага паходжання, якія паступаюць з трэціх краін.
Як паведаміла «Ежедневнику» памочніца кіраўніка Упраўлення Рассельгаснагляду Бранскай і Смаленскай абласцей Святлана Земчанкова факты выяўлення кантрабандных грузаў мяса жывёл, якія пастаўляюцца з трэціх краін, дазваляюць зрабіць выснову, што цяперашнія ўзаемаадносіны з беларускімі калегамі цяжка назваць давернымі.
Так, 14 кастрычніка 2016 года ў раёне ППУ «Чырвоная Горка» мабільнай групай быў прыпынены рух аўтатранспартнага сродку, які рухаўся на тэрыторыю Расейскай Федэрацыі, абмінаючы фітасанітарны і ветэрынарны кантроль расейскіх інспектараў.
Супрацоўнікам мытных органаў у якасці аргументу была пададзена міжнародная транспартная накладная, у якой указвалася, што ў машыне перавозіцца пластыкавая тара. Аднак падчас надгляду ў грузавым адсеку быў выяўлены шпег.
У рамках дзейных паўнамоцтваў для правядзення далейшага адміністрацыйнага расследавання груз быў перададзены Кіраўніцтву Рассельгаснагляду і змешчаны пад арышт.
Поўная выгрузка выявіла 39,5 тоны шпіка, г.зн. падвойнае перавышэнне магчымай загрузкі, з маркіроўкай №DEEK 848 EG, №NW-EUZ 221 EG, Нямеччына. Разам з тым на частцы паддонаў меліся адбіткі польскіх клеймаў.
Упакоўка прадукцыі, а менавіта: машыннае палетаванне, маркіроўка палет, упаковачны матэрыял сведчылі пра тое, што затрыманы груз з'яўляўся часткай буйной пастаўкі.
Згодна запыту Смаленскай мытні з Ашмянскай мытні Беларусі атрыманы адказ, у якім пазначана, што ў затрыманым транспартным сродку перавозяць груз «арэхі бразільскія вычышчаныя ад шкарлупіны» паводле транзітнай дэкларацыі №11219404/121016/0600874.
Разам з тым з пісьмовага тлумачэння кіроўцы транспартнага сродку вынікае, што на просьбу дыспетчарскай фірмы УАУП «Віцязь», зарэгістраванай у Беларусі, пасля праходжання працэдуры мытнага кантролю транспартны сродак прайшоў у Менскую вобласць, горад Барысаў, дзе і адбылася змена прычэпа. Далей транспартны сродак накіроўваўся ў Маскоўскую вобласць у суправаджэнні экспедытара.
У момант затрымання экспедытар пакінуў аўтамабіль.
Цяпер вядзецца далейшае адміністрацыйнае расследаванне ў выяўленні ўсіх абставінаў таго, што адбываецца.
«Аднак ужо цяпер зразумела, што дзейныя партнёрскія стасункі з калегамі з Беларусі і праца ў адзінай электроннай сістэме ўліку грузаў жывёльнага паходжання, якія паступаюць з трэціх краін, якія не з'яўляюцца давернымі», - адзначае Рассельгаснагляд.
Гаворка ідзе пра тое, што паводле звестак адзінай сістэмы «Аргус» з 2014 года ў Беларусь прадукцыя з Нямеччыны не паступала. Незразумела, як 40 тон шпіка ў прамысловай упакоўцы з арыгінальнай маркіроўкай і іншымі відавочнымі прыкметамі афіцыйнай пастаўкі маглі апынуцца на тэрыторыі Беларусі.
Неспрыяльная эпізаатычная сітуацыя з афрыканскай чуме свіней на тэрыторыі Еўрапейскага звязу, між іншым у Польшчы і Нямеччыне, абавязвае інспектараў Рассельгазнагляду правесці дбайнае лабараторнае даследаванне незаконна ўвезенай прадукцыі свінагадоўлі.