РФ правяла вучэнні ракетных комплексаў «Іскандэр» ля мяжы з Эстоніяй

Манеўры былі праведзеныя прыкладна за 100 кіламетраў на ўсход ад эстонскай мяжы.

Расея правяла вайсковыя вучэнні з разгортваннем балістычных ракет «Іскандэр» паблізу заходняй мяжы. Міністэрства абароны паведаміла 20 кастрычніка, што манеўры былі праведзеныя на палігоне недалёка ад горада Луга, прыкладна за 100 кіламетраў на ўсход ад эстонскай мяжы.

У ходзе вучэнняў было праведзена разгортванне ракет «Іскандэр» і падрыхтоўка да пуску, але сам пуск не праводзіўся, перадае «Радыё Свабода».

Радыус дзеяння ракет «Іскандэр», здольных несці ядзерныя боегалоўкі, дасягае далёкасці да 500 кіламетраў.

Раней Расея ўзмацніла свае ваенныя сілы паблізу мяжы з Еўропай, размясціўшы ракеты «Іскандэр» у Калінінградскай вобласці.

Стасункі Масквы з Захадам пагоршыліся да ўзроўню нябачанага з заканчэння «халоднай вайны» пасля анэксіі Расеяй Крыма ў сакавіку 2014 года і вайны паміж Кіевам і сепаратыстамі, кую падтрымлівае Расея.