Беларуская тэнісістка выйшла ў паўфінал турніра ў Францыі, абыграўшы другую беларуску
- 26.10.2016, 15:44
- 11,880
Лідзія Марозава разам з прадстаўніцай Нідэрландаў падолела беларуска-латвійскі дуэт.
Беларуская тэнісістка Лідзія Марозава выйшла ў паўфінал парнага разраду на турніры ў французскім Пуацье (прызавы фонд - $100 тысяч), паведамляе БелТА.
Сёння ў чвэрцьфінальным матчы Марозава разам з Лэслі Керкхоф з Нідэрландаў упэўнена падолела беларуска-латвійскі дуэт Ілона Крэмень/Дзіяна Марцінкевіч - 6:2, 6:1. Яшчэ адна беларуская тэнісістка Аляксандра Сасновіч (126-ы нумар сусветнага рэйтынгу) у адзіночным разрадзе гэтых спаборніцтваў стартавала з перамогі над расейкай Наталляй Віхлянцавай (170) - 7:6, 1:6, 6:3.
Наступнай спаборніцай Аляксандры Сасновіч будзе вядомая румынская тэнісістка Моніка Нікулеску (37), пасеяная пад першым нумарам.
На прэстыжным мужчынскім турніры ў швэйцарскім Базэлі (прызавы фонд - 1,7 мільёна еўра) беларус Максім Мірны і філіпінец Трыт Хьюі сёння ў першым матчы парнага разраду сустрэнуцца са швэйцарскім дуэтам Антуан Бельер/Марка К’юдынэлі (Швэйцарыя).