Рэйтынг дабрачыннасці: беларусы - людзі не самыя шчодрыя

Брытанскі дабрачынны фонд Charity Aid Foundation сёмы год запар публікуе рэйтынг Сусветны рэйтынг дабрачыннасці (World Giving Index 2016).

Беларусь знаходзіцца бліжэй да канца спісу.

Глабальны рэйтынг дабрачыннасці-2016 складзены паводле звестак апытання кампаніі Gallup, якое праводзілася цягам года ў 145 краінах.

Месца краіны ў рэйтынгу залежыць ад сярэдняга значэння па трох паказчыках: грашовыя ахвяраванні ў дабрачынныя арганізацыі; праца ў якасці валанцёра; аказанне дапамогі незнаёмаму чалавеку, што жыве ў нястачы.

Сярод постсавецкіх краін самая высокая пазіцыя ва Узбекістана - 11-е месца. Туркменістан займае 14-е месца, Кыргызстан - 34-е, а Казахстан - 96-е месца.

Расея ў рэйтынгу размясцілася на 126-м месцы, Беларусь - на 100-м, Украіна - на 106-м, Грузія - на 120-м месцы.

Лідзіруюць у рэйтынгу другі год запар М'янма і ЗША. У дзесятку найбольш шчодрых краін свету таксама ўвайшлі Аўстралія, Новая Зеландыя, Шры-Ланка, Канада, Інданезія, Вялікабрытанія, Ірландыя і ААЭ.

Апошняе, 140-е месца ў рэйтынгу займае Кітай, які толькі трохі саступае Палестыне, Емену і Грэцыі.