У Менску прайшоў марафон памяці ахвяр сталінскіх рэпрэсій
1- 29.10.2016, 17:28
- 17,415
У месцах расстрэлу актывісты ўсклалi кветкі і запальваюць свечкі ў памяць аб ахвярах масавых рэпрэсій.
Актывісты аргкамітэта руху салідарнасці «Разам» збіралi сёння ў Менску жалобны марафон памяці ахвяр сталінскіх рэпрэсій.
Сустаршыня аргкамітэта Алесь Макаеў распавёў «Свабодзе»:
«Мы прайшлi па тых месцах, дзе ўлады расстрэльвалі ці хавалі бязвінна забітых людзей. Такіх месцаў у Менску шмат, але мы традыцыйна наведваем сем. Гэта Кальварыйскія могілкі, парк Тывалі, Лошыцкі яр, раён урочышча Благоўшчына і Трасцянца, Вайсковыя могілкі, парк Чалюскінцаў і Курапаты. У кожным з гэтых месцаў ускладаем кветкі і запальваем свечкі ў памяць аб ахвярах масавых рэпрэсій».
У ноч з 29 на 30 кастрычніка 1937 года ў сутарэннях менскай унутранай турмы НКВД, дзе цяпер размяшчаецца следчы ізалятар КДБ, былі расстраляныя больш за 130 чалавек - навукоўцаў, літаратараў, лекараў, грамадскіх дзеячаў, кіраўнікоў і работнікаў сістэмы адукацыі, будаўніцтва, прамысловасці, гандлю.
Дэмакратычная грамадскасць Беларусі традыцыйна праводзіць 29 кастрычніка памятныя акцыі.