Хілары Клінтан апярэджвае Дональда Трампа на 2%

Выбары прэзідэнта ЗША адбудуцца 8 лістапада.

Кандыдатка ў прэзідэнты ЗША ад Дэмакратычнай партыі, былая дзяржсакратарка Хілары Клінтан на 2% апярэдзіла свайго апанента ад рэспубліканцаў мільярдэра Дональда Трампа ў электаральным рэйтынгу. Пра гэта сведчаць вынікі супольнага апытання, праведзенага тэлекампаніяй ABC і газетай The Washington Post (пераклад - РБК).

Вынікі даследавання паказалі, што гэта на 10% менш, чым паказчык тыднёвай даўнасці, калі тое ж апытанне прагназавала перамогу Клінтан з перавагай у 12%. За кандыдата ад дэмакратаў былі гатовыя прагаласаваць 50% апытаных, а за Трампа - 38%.

Паводле новых звестак, 47% рэспандэнтаў аддалі сваю перавагу Клінтан, яшчэ 45% - Трампу.

Тэлеканал тлумачыць скарачэнне разрыву паміж кандыдатамі зменамі прагнозаў у прыходзе. У параўнанні з папярэднім апытаннем ABC і The Washington Post, узрасла колькасць рэспубліканцаў, якія гатовыя і збіраюцца прыйсці на выбары. Прыхільнікі Клінтан у сваю чаргу паказалі меншую актыўнасць у гэтым паказчыку, бо ўпэўненыя, што кандыдатка ад дэмакратаў атрымае перамогу без іх удзелу.

Апытанне было праведзенае з 24 да 27 кастрычніка, за тыдзень да прэзідэнцкіх выбараў, намечаных на 8 лістапада. У даследаванні ўзялі ўдзел больш за тысячу выбаршчыкаў.

Раней кіраўніца выбарчага штаба Дональда Трампа Кіліян Канвей прызнала адставанне мільярдэра у прэзідэнцкай гонцы ад яго галоўнай апаненткі Хілары Клінтан. «Мы ззаду. У яе [Хілары Клінтан] ёсць невялікая перавага», - заявіла Канвей інтэрв'ю NBC New.