На канцэрт Brutto ў Гомелі прыехала нават менская міліцыя
16- 29.10.2016, 18:22
- 30,142
Такія звесткі паведамляюць мясцовыя таксісты.
29 кастрычніка ў гомельскім Лядовым палацы пройдзе дазволены канцэрт рок-гурта Brutto. Як паведамляе «Радыё Свабода», каля месца правядзення канцэрта ўжытыя ўзмоцненыя захады бяспекі. Каля Лядовага палаца шмат міліцыянтаў. А мясцовыя таксісты кажуць, што АМАП прывезлі нават са сталіцы.
У горадзе шмат бел-чырвона-белых сцягоў. Людзі сталі збірацца ля ўваходу ў Лядовы палац задоўга да пачатку канцэрта. Некаторыя кажуць, што столькі міліцыі на канцэрце ніколі не бачылі.
