Расейская эканоміка ў талерцы баршчу

Інгрэдыенты для рондалю баршчу абыходзяцца жыхару Чукоцкай аўтаномнай акругі ў чатыры разы даражэй, чым масквічу.

«Сардэчна запрашаем у Білібіна, самае дарагое месца ў Расеі ў плане харчавання», - піша журналістка Bloomberg (пераклад - inopressa.ru) Ганна Андрыянава.

Згодна з новым даследаваннем Цэнтра эканамічных і палітычных рэформаў (Масква), інгрэдыенты, неабходныя для падрыхтоўкі аднаго рондалю баршчу, абышліся б жыхару горада Білібіна (Чукоцкая аўтаномная акруга) у 628 рублёў. Гэта ў чатыры разы больш, чым у сталіцы, адзначае яна.

Такая палярызацыя пралівае святло на «дзвюхкалейную эканоміку» краіны, якая працуе для адных, але не для іншых. «У той час як беспрацоўе на нацыянальным узроўні складае ўсяго 5%, у некаторых рэгіёнах яна даходзіць да 30% і больш», - гаворыцца ў артыкуле.

Білібіна і адміністрацыйны рэгіён, у якім ён знаходзіцца, Чукотка, добра гэта ілюструюць. Нягледзячы на тое, што да 2008 года рэгіёнам кіраваў мільярдэр Раман Абрамовіч, дастаўка тавараў у Білібіна ў асноўным ажыццяўляецца па паветры, і там няма ніводнага сеткавага супермаркета.

Хоць сітуацыя ў горадзе экстрэмальная, са словаў кіраўніка ЦЭПР Мікалая Міронава, яна сімвалізуе ўмовы, у якіх жывуць многія з 6 млн расейцаў Далёкага Усходу, гаворыцца ў артыкуле.