На Brutto ў Гомелі гледачы прыйшлі з «Пагоняй» і нацыянальнымі сцягамі
4- 29.10.2016, 20:31
- 18,944
Нягледзячы на тое, што з бел-чырвона-белым сцягам на канцэрт не прапускалі, некаторым удалося яго пранесці ў залу.
Беларуска-ўкраінскі панк-рок гурт BRUTTO 29 кастрычніка ўпершыню выйшаў на беларускую сцэну. . На канцэрце ў Гомелі аншлаг, піша nn.by.
Ля ўваходу ў Лядовы палац гледачы сутыкнуліся з жорсткім кардонам міліцыі, людзей у цывільным. Гледачоў з бел-чырвона-белымі сцягамі спачатку проста не прапускалі, потым прапанавалі здаваць іх у камеру захоўвання або абменьваць ля ўваходу на сцягі з сімволікай BRUTTO.
Віталь Гуркоў, баксёр і музыкант BRUTTO, растлумачыў: «Ідэолагі выставілі ўмову, каб канцэрт не ператвараўся ў палітычную акцыю. Для гэтага на канцэрце не павінна быць бел-чырвона-белых сцягоў».
А гэтыя хлопцы пранеслі бел-чырвона-белы сцяг у залу, але не захацелі рассакрэчваць, як ім гэта ўдалося зрабіць.