Берасцейскі кіроўца маршруткі ездзіў з 3,12 праміле алкаголю ў крыві
3- 6.10.2016, 15:34
- 10,164
Кіроўца быў настолькі п'яны, што не змог адказаць на пытанні ДАІ.
Учора ўвечары ў дзяжурную частку берасцейскай ДАІ паступіла паведамленне аб тым, што на дваровай тэрыторыі на вуліцы Суворава кіроўца мікрааўтобуса Mercedes Sprinter учыніў ДТЗ. Высветлілася, што за стырном маршруткі знаходзіўся 34-гадовы мужчына, ён быў п'яны.
Кіроўцу спынілі на перакрыжаванні вуліц Суворава і 28 ліпеня. На аўтамабілі былі замацаваныя рэгістрацыйныя знакі катэгорыі «ТАХ».
- Фізічныя стан кіроўцы выклікаў у інспектараў сумневы: у яго даслоўна заплятаўся язык. Падчас гутаркі з інспектарам кіроўца так і не змог выразна растлумачыць, ці знаходзіўся ён на маршруце, а калі не, то чаму згодна закону не змяніў знакі з «ТАХ» на звычайныя, - распавялі ў ДАІ.
У выніку кіроўца сказаў, што ў гэты дзень не працуе, а з раніцы піў піва. У дачыненні да яго быў складзены адміністрацыйны матэрыял паводле ч 1 арт 18.16 КаАП, а аўтамабіль змешчаны на штрафстаянку.