Клімкін: ААН афіцыйна прызнала Крым часова акупаванай тэрыторыяй
2- 16.11.2016, 12:51
- 23,751
Першым крокам да дэакупацыі Крыма будзе пастаянны праваабарончы маніторынг з боку Арганізацыі Аб'яднаных Нацый.
Прыняцце Генеральнай Асамблеяй ААН рэзалюцыі аб парушэнні правоў чалавека ў Крыме дазволіць ужываць фармулёўку «часовая акупацыя Аўтаномнай Рэспублікі Крым і горада Севастопаль» ва ўсіх афіцыйных дакументах ААН да моманту вяртання паўвострава. Пра гэта заявіў міністр замежных спраў Украіны Павел Клімкін у Twitter.
2/2 Відтепер формулювання "тимчасова окупація української АРК і м.Севастополь" - офіційно в усіх документах ООН до деокупаціі #Крим 'у
— Pavlo Klimkin (@PavloKlimkin) 15 ноября 2016 г.
Кіраўнік МЗС таксама дадаў, што пастаянны праваабарончы маніторынг сітуацыі з боку ААН – першы крок да дэакупацыі Крыма.
1/2 Постійний правозахисний моніторинг ООН - перший крок до деокупації українського #Крим 'у
— Pavlo Klimkin (@PavloKlimkin) 15 ноября 2016 г.
15 лістапада на пасяджэнні трэцяга камітэта Генеральнай Асамблеі ААН быў прыняты праект рэзалюцыі аб парушэннях правоў чалавека ў Крыме. За праект рэзалюцыі прагаласавалі 73 краіны – сябры ААН, супраць – 23, яшчэ 76 устрымаліся.
Як раней паведамляў сайт charter97.org, Беларусь спрабавала сарваць галасаванне ў ААН аб Крыме.