У Барысаве і Любанскім раёне былі сур'ёзныя перабоі з электрычнасцю
6- 17.11.2016, 9:18
- 9,935
Прычыны аварыйных адключэнняў не паведамляюцца.
У Барысаве і Любанскім раёне адбылося адключэнне электраэнэргіі.
Як паведамляе прэс-служба Менскага абласнога ўпраўлення МНС, паведамленне аб адключэнні электраэнэргіі ў Барысаве паступіла 16 лістапада а 17.25. Без электразабеспячэння заставаліся 8 шматкватэрных і 547 прыватных жылых дамоў. А 19.30 электразабеспячэнне спажыўцоў адноўлена.
А 20.35 паступіла паведамленне аб адключэнні электраэнэргіі ў 4 населеных пунктах Любанскага раёна. Без электразабеспячэння заставаліся 216 прыватных жылых дамоў. А 22.54 электразабеспячэнне спажыўцоў адноўленае.