У Менску праз прарыў трубы затапіла некалькі вуліц
2- 27.11.2016, 13:19
- 22,392
Сапраўдны вадаспад утварыўся 26 лістапада ў Менску праз прарыў трубы ў раёне вуліц Жудро і Альшэўскага.
Як паведамляе тэлеканал AНТ, аварыя адбылася ў адным з двароў, а затапіла адразу некалькі вуліц. Без вады засталіся пяць шматпавярховак.
Труба дыяметрам 30 сантыметраў пралягала на глыбіні некалькіх метраў прама ля пад'ездаў. Плынь вады падняла асфальт па баках тратуара і за некалькі хвілін разлілася ў сапраўдную раку.
Ліквідацыяй аварыі займаліся брыгады «Мінскводаканала», а таксама службы электрасетак, газу і іншых.