Фотафакт: Кіроўца МАЗа адарваў кузаў на трасе М1

Кузаў аўтамабіля зачапіўся за эстакаду.

Кіроўца МАЗа адарваў кузаў на трасе М1 у Менскім раёне. Здарэнне адбылося пад 13 гадзін у панядзелак, 28 лістапада. Кузаў зачапіўся за эстакаду. У выніку і эстакада, і аўтамабіль атрымалі механічныя пашкоджанні.

Як паведаміла БелТА старшая інспектарка агітацыі і прапаганды аддзела ДАІ УУС Менскага райвыканкама Кацярына Сільчанка, кіроўца МАЗа ехаў у кірунку аўтадарогі Р23 і быў няўважлівы, праз гэта і стварыў небяспека для руху.

Пацярпелых у ДТЗ не было.