У Віцебску актывісты раздалі вайскоўцам «Народную волю»
10- 11.12.2016, 11:46
- 16,624
Навабранцы і жыхары Віцебска таксама атрымалі ўлёткі «За нашы і вашы правы».
«Віцебская вясна» паведамляе, што 10 снежня праваабаронцы павіншавалі гараджанаў з Днём правоў чалавека, які штогод адзначаецца ва ўсім свеце. Менавіта ў гэты дзень у 1948 годзе Генеральнай асамблеяй ААН была прынятая Усеагульная дэкларацыя правоў чалавека.
Актывісты выйшлі на віцебскія вуліцы, каб раздаць мінакам спецыяльны выпуск газеты «Народная Воля» з укладышам «За нашы і вашы правы». Снежаньскі дзянёк быў якраз пагодлівым, і людзей у горадзе было нямала. Да таго ж на плошчы Перамогі праходзіла ўрачыстая ваенная прысяга, і на мерапрыемстве прысутнічалі сотні людзей.
Акрамя вулічнай акцыі, праваабаронцы абышлі некалькі шматкватэрных дамоў і расклалі асобнікі выпуску ў паштовыя скрыні.