Беларускія 100 рублёў намінавалі на міжнародны конкурс
13- 3.12.2016, 13:28
- 14,356
Беларуская купюра 100 рублёў, якую ўвялі ў зварот пасля дэнамінацыі, трапіла ў лік намінантаў конкурсу «Банкнота года – 2016».
Пра гэта гаворыцца на сайце Міжнароднай асацыяцыі калекцыянераў папяровых грашовых знакаў, якая выступае арганізатарам конкурсу.
Вылучыць грашзнакі на ўдзел у конкурсе можа любы ўдзельнік асацыяцыі да 31 студзеня, пасля гэтага пачнецца галасаванне за найлепшую банкноту. Пераможца стане вядомы ў красавіку 2017 года.
Адна з галоўных умоваў удзелу ў конкурсе – банкноту павінны былі выпусціць у гэтым годзе. Акрамя таго, грашзнак павінен знаходзіцца ў звароце і мець мастацкую вартасць, мець арыгінальны дызайн. Экспэрты таксама звяртаюць увагу на колер, кантраст, а таксама элементы абароны.