У Беларусі абмяжуюць увоз птушак з Украіны
1- 3.12.2016, 15:18
- 19,311
Паведамляецца, што там птушкі сталі хварэць на грып.
З 3 снежня Беларусь абмяжоўвае ўвоз птушак з Украіны, Румыніі і Аўстрыі. Таму што Міжнароднае эпізаатычнае бюро (МЭБ) зафіксавала на тэрыторыі гэтых краінаў выпадкі захворвання птушак на высокапатагенны грып, або, па-іншаму, птушыны грып.
У Беларусь перастануць увозіць з гэтых рэгіёнаў жывых птушак, інкубацыйныя яйкі дзікіх, заапаркавых і цыркавых адчувальных жывёлаў, мяса птушкі, яечны парашок, меланж і іншыя прадукты перапрацоўкі курыных яек. У гэты спіс трапляе таксама пух і пяро, корм і кармавыя дабаўкі з птушкі, паляўнічыя трафеі, паведамляе БелТА.
Раней выдадзеныя дазволы на ўвоз гэтых тавараў у Беларусь адмяняюцца.