Беларусь — адна з самых карумпаваных краін свету

Яшчэ адна прычына, чаму беларусы жывуць у беднасці.

У свежым рэйтынгу расейскага часопіса «Профіль» (партнёр аўтарытэтнага нямецкага выдання Der Spiegel) апублікаваныя звесткі аб узроўні карупцыі ў розных краінах. Спасылаючыся на інфармацыю арганізацыі Transparency International, у якіх ўлічвалася не толькі меркаванне экспэртаў, але і бізнэсу, які працуе ў той ці іншай краіне, аўтары робяць несуцяшальныя высновы: Беларусь з'яўляецца адной з самых карумпаваных еўрапейскіх дзяржаў.

Між іншым, краіна апынулася ў рэйтынгу на 102 радку, што істотна ніжэй вынікаў нашых еўрапейскіх суседзяў: Польшчы (30 месца), Літвы (33) і Латвіі (39). Не нашмат вышэй Беларусь апынулася і ў параўнанні з самымі нешчаслівымі краінамі – такімі як Расея (111) і Украіна (122).

Разам з тым, аналітыкі вывелі яшчэ адну цікавую залежнасць – чым вышэй узровень карупцыі ў краіне, тым бяднейшыя людзі, якія ў ёй жывуць, піша «Салідарнасць».

У якасці прыкладу прыводзяцца такія ўзорныя краіны, дзе ўзровень карупцыі імкнецца да нуля, як Данія, Швейцарыя, Ірландыя, Бельгія і Эстонія. Гэтыя краіны не валодаюць вялікай тэрыторыяй або запасамі нафты і газу, аднак змаглі забяспечыць сваіх грамадзян

вельмі высокімі даходамі. Напрыклад, эстонская паказчык ВУП на душу насельніцтва сёння складае блізу 17,2 тысячы даляраў, што больш чым утрая перавышае беларускі (5,7 тысяч)! Больш развітая эканоміка, у сваю чаргу, дазваляе забяспечыць грамадзянам больш высокі ўзровень даходу.

Вось і выходзіць, што на нядаўна апублікаваную інфармацыю пра тое, што большасць беларусаў жывуць на 180 даляраў у месяц, можна паглядзець пад іншым вуглом. А менавіта, цікава, як бы змяніўся ўзровень дабрабыту беларусаў, калі б усе дзяржаўныя выдаткі былі адкрытымі і празрыстымі, а кожны чыноўнік нёс адказнасць не перад сваім начальнікам, а беларускім грамадствам?