Пуцін зацвердзіў дактрыну «інфармацыйнай бяспекі»

Згодна з дактрынай, Расею з усіх бакоў «атакуюць ворагі», выкарыстоўваючы для гэтага праваабарончыя арганізацыі і незалежныя СМІ.

Прэзідэнт Расеі Уладзімір Пуцін зацвердзіў новую дактрыну інфармацыйнай бяспекі Расеі. Указ апублікаваны на афіцыйным інтэрнэт-партале прававой інфармацыі.

Указ уваходзіць у дзеянне з дня падпісання, 5 снежня, і прызнае страціўшай сілу ранейшую дактрыну 2000 года.

У дакуменце адзначаецца важнасць стратэгічнага стрымлівання і прадухілення канфліктаў, якія могуць здарыцца праз інфармацыйныя тэхналогіі. У ім падкрэсліваецца важнасць неканфліктных міждзяржаўных стасункаў у інфармацыйнай прасторы.

Пры гэтым ва ўказе адзначаецца, што спецслужбы некаторых краін выкарыстоўваюць «інфармацыйна-псіхалагічнае ўздзеянне» для дэстабілізацыі сітуацыі ў свеце. Для гэтага нібыта выкарыстоўваюцца рэлігійныя, этнічныя і праваабарончыя арганізацыі.

Згодна з палажэннямі дакумента, расце колькасць інфармацыйных нападаў на важныя расейскія аб'екты, узмацняецца выведная дзейнасць, накіраваная супраць Расеі.

У дактрыне гаворыцца, што расейскія СМІ падпадаюць за мяжой дыскрымінацыі, а журналістам з Расеі, якія ствараюць перашкоды для ажыццяўлення дзейнасці.

Расея мае намер адмовіцца ад залежнасці ад замежных інтэрнэт-тэхналогій і даць свае аналагі. Праз высокі ўзровень залежнасці айчыннай прамысловасці ад замежных інфармацыйных тэхналогій, сацыяльна-эканамічнае развіццё краіны ў выніку залежыць ад геапалітычных інтарэсаў замежных краін, гаворыцца ў дакуменце. Таму Крэмль адзначае недастатковую эфектыўнасць даследаванняў у галіне IT і нізкі ўзровень укаранення айчынных распрацовак.