Каб выжыць: беларусы распрадаюць запасы валюты

Беларусы за 11 месяцаў прадалі валюты на $1,8 млрд больш, чым купілі.

У студзені-лістападзе на валютным рынку Беларусі фізічныя асобы працягнулі выступаць чыстымі прадаўцамі валюты, сведчаць звесткі Нацыянальнага банка краіны.

Так, за 11 месяцаў фізічныя асобы купілі наяўнай і безнаяўнай валюты ў аб'ёме $5 млрд 177,89 млн, прадалі - $6 млрд 973,28 млн, паведамляе НББ. Такім чынам, чысты продаж валюты фізічнымі асобамі за студзень-лістапад склаў $1 млрд 795,39 млн.

Суб'екты гаспадарання - рэзідэнты Беларусі за студзень-лістапад купілі замежнай валюты на $14 млрд. 479 млн у эквіваленце, прадалі - $14 млрд 525,38 млн. Такім чынам, чысты продаж замежнай валюты суб'ектамі гаспадарання - рэзідэнтамі за студзень-лістапад склаў $46,38 млн.